Dayrekitereetete aanino loosinna billoonyu noossi  

• Loosu miniha loosonna biilloonye lainohunni owaatamaanote dagoominninna gutamaanote bissa mashalaqquwa gamba assanno, hedote tittirsha aanno, haja la’annonsa bissaranna dagoomu kifillara tuqisanno.
• Loosu miniha xaadooshshu loosi looso loosatenni mootimmate qara mashalaqqete buicho ikke kaa’lanno.
• Mootimmate istiratejete mixonna hexxo huwanye cu’misiisatenna xawadimma kalaqate hasaawu bare qixxeessanno, qineensannono.
• Loosu minire aliidi massagaano daganniwa xaaddotenni shiqqe hasaawissanno gedenna hundi taqqa loossa loosu jeefishshi gara huwattanno gede assanno, ikkitubbano injeessanno.
• Loosu miniha mootimmate mashalaqqe xaadooshshi hajubba loosi suwashsho ikkinohanna waaxamooshshu ikkitonni jeefanno gede assootu xaadooshshe amanyoote diriirsanno, loosamasino harunsanno.
• Qoqqowunniha hattono loosu miniha su’naanno su’ma bowirsate dandiissitanno mashalaqqe hala’ladunni tuqisanno. 
• Loosu mine lainohunni fultannota so’rote mashalaqqe taashshatenni halaalaancho mashalaqqe aanno. 
• Loosu mini jeefishshinni ka’anno hajubba yannitte, garunnitanna halaalaancho xawishshanna dawaro uynanni gedeno assanno. 
• Tuqu xaadooshshe horonsiratenni loosu minin ledo heerannonsa xaadooshshe qineensanno, midiyu mashalaqqe xa’mora loosu aante noonsari uurrinshate bissa dawaro uytanno gede assanno. 
• Qara qara uurrinshaame jeefishshinna ikkitubba miidiyu ragaanni shiqqanno gede midiyaho qummeessa aanno. Loosamasino harunsanno. 
• Gobbate mootimma hattono hojji hitimetete midiyubbanni attamantannore hitimatete gumma hasiisiha ikkiro seera agadhino garinni lekkishsha afidhinori ledo sheemaate eatenni loosu minira shiqanno gede assanno, tuqisanno.  
• Uurrinshate aliidi massagaanchi mashalaqqete xaadooshshi looso loosasi qeechisi noowa hee’reenna dagate xaadooshshi loosono loosanno. 
• Dagate xaadooshshi dayrekitereete uurrinshanniha istiratejenna diru kominikeeshine mixo qoqqowu sekireteriyate istiratejenna mixo ledo xaadisatenni qixxeesse loosu aana hosiisanno. 
• Uurrinshate hasiissannoha ogimmate ikkadimmanna amanyootu noosiha dagate xaadooshshi ogeessi kalaqamanno gede babbaxxinoha dhuku kaajjilli qajeelsha mixiranno jeefisiisannono. 
• Loosu mininni polise, istirateje, progirame, mixonna jeefishshu ledo xaadu noonsa sokka qixxeessatenni babbaxxino xaadooshshu hayyonni tuqinsanni gede assanno. 
• Loosu miniha lainohanna xaadooshshu noonsa hajubba qooxeessira midiyu duduwo harunso assanno, tittiranno, aliidi massagaanchira kominikeeshinete looso amaalanno. 
• Loosu minita mashalaqqe garunni gamba yitannotanna tantanantanno amanyoote diriirsatenna midiyahonna aye bissarano mashalaqqete xa’mora garu dawaro aanno, uynanni gede loosu aante noonsari uurinshate bissanni dawaro uynanni gede hattono babbaxxino yannanni mootimmatenni fultanno yaannitte sokka haa're dagate xaadooshshi looso horote aana hosanno gede assanno,
• Dagoomu, gutamaano bissanna loosu minna mereero no xaadooshshe kaajjisha dandaatebabbaxxino dagate xaadooshshi looso mixiratenni loosu aana hosiisanno. 
• Loosu mine babbaxxitino loosu kifile loosaassine mereero no loosu xaadooshe kajjadonna gumammo ikkanno gede hasiissanno dagate xaadooshshu looso loosanno.
• Loosu mine giddo babbaxxitino loosu kifile mereero kajjadu tajete tuqishi hee'ranno gede assanno.

• Loosu mini poolise, wodhubba, istiraatejubbanna biddissubba hattono su’naanno su'ma bowirsate kaa'litanno addi addi hajubba aana huwanyo cu’misiisate xawadimma kalaqate hasaawu bare qixxeessanno, qineensanno.
• Loosu mine soorreeyyete, wolootu aliidi qoqqowu massagaano, babbaxxitino dagoomu kifilla, odeessaano, looso minita loosu millimillo jeefishshanna loosantino loossa dagge la’anno gede assate mixi’ranno qineensannono.

• Loosu minita polisubba, istiratejubba, mixo, progiraammanna projektubba egensiisate dandiisissannota raadoonetenna televizhiinete progiraame qixxaawo mixi’ranno, tantananno, jeefisiisanno. 

• Uurrinshate dihire-getse aana hogonbanni mashalaqqubba amado mootimmate polise, istiratejenna loosu minita sokko huwattinota yannitte ikkase buuxanno. Dihire-getse gashshate looso loosanno.
• Loosu minire lainohunni dagoomu miidiyinni sa’anno hedo harunsanno, dagate xaadooshshi buusi loosira horote aana hosanna gede assanno.
• Loosu miniha mashalaqqe phoototenni, Odiyonna Vidiyotenni haa’ratenna attamisha loosu kifilenninna buusamaanote ragaanni qixxeessanna horote aana hosiisa, qoqqowohonna gobbate giddo midiyubbara yannatenni mashalaqqe qixxeessine/tantanne aa, loosu mine la’anno egensiishshu loossa mootimmatenni fultanno egensiishshinninna isponsershippi polisenna biddissubba kaima assite dagate xawadonna halaalaancho ikkitino sokko amadde fultanno gede assanno qorqorannono.
• Loosu mini dagate xaadooshshi loosi aana xiinxallo assa,uynanni hedo gamba assa, keena, assootu woyyaawanno raga somanna xiinxallo loosu aana hossanno gara qineensanno, harunsannono.
• Loosu mininnino ikko qoqqowu mootimmanni uynannire gobboomunnitano ikkito qoqqowu sokka jeefisanno, jefisiisannono.